जनकपुरधाम । जनमत पार्टीले मधेस प्रदेशका मुख्यमन्त्री सतिश कुमार सिंहलाई सरकारबाट फिर्ता बोलाएको पत्र त्यहाँका सभामुख रामचन्द्र मण्डललाई बुझाएको छ ।
जनमत पार्टीका मधेस प्रदेश सभा संसदीय दलका नेता महेश प्रसाद यादवले सभामुखलाई पठाएको पत्रमा मधेस सरकारलाई दिइको समर्थन फिर्तासहित मुख्यमन्त्री र मन्त्रीलाई पार्टीले फिर्ता बोलाएको जानकारी मधेस प्रदेश प्रमुखको कार्यालयलाई भदौ २८ गते नै गराइसकेको उल्लेख छ । सोही अनुसार सदनमा जनमत पार्टीको व्यवस्थापनका लागि भन्दै सभामुखलाई संसदीय दलका नेता यादवले पत्र बुझाएका हुन् ।
सभामुख मण्डलले प्रदेश सभा सचिवालयका सचिवलाई उक्त पत्र दर्ता गरी आवश्यक कारबाहीका लागि निर्देशन दिएका छन् ।
