डुमरवाना,जीतपुरसिमरा उपमहानगरपालिका वडा नम्बर १५ मा वडाअध्यक्ष नकआउट फुटबल प्रतियोगिता हुने भएको छ । ५० हजार नगद पुरस्कार राशीको वडा स्तरीय सो प्रतियोगिता उमहानगरपालिकामा पहिलो पटक हुन लागेको हो ।
आगामी असोज २ गतेदेखि संञ्चालन हुने सो प्रतियोगितामा उपमहानगरपालिकाका २४ वटा वडाका २४ वटा फुटबल टिमको सहभागिता रहने सोमबार आयोजना गरिएको पत्रकार संम्मेलनमार्फत क्लबका अध्यक्ष रबिन्द्र गुरुङ्गले जानकारी दिनुभयो ।
प्रतियोगिताको विजेताले ५० हजार र उपविजेता टिमले २५ हजार नगद सहित ट्रफि प्राप्त गर्ने छन । त्यसैगरी प्रतियोगिता अवधिभरका विभिन्न विधामा उत्कृष्ट खेलाडीहरुलाई पनि पुरस्कृत गरिने आयोजक क्लबले जनाएको छ । पत्रकार सम्मेलनमा वडा अध्यक्ष रामप्रसाद लामिछाने वडा सदस्यहरु रामकुमार राम, मनमाया गुरुङ्ग, सुमित्रा नेपाली तथा क्लबका सदस्यहरुको सहभागिता रहेको थियो ।
