सिमरा,बारा प्रहरीले भन्सार छलीको ठूलो परिमाणको मोबाइल फोन सेट सहित एकजना व्यक्तिलाई पक्राउ गरेको छ । प्रहरीले बारा जिल्लाको कोल्हवी नगरपालिका वडा नम्बर ४ घर भएका पदमबहादुर घिमिरेलाई काठमाडौँबाट अवैधि तरिकाले भन्सार छलेर ल्याइएको १६ लाख रुपैयाँ बाराबारको मोबाइल फोनसहित पक्राउ गरेको हो । विशेष सूचनाको आधारमा ईलाका प्रहरी कार्यालय सिमराबाट खटिएको प्रहरी टोलीले घिमिरेले चलाइरहेको प्रदेश २–०३–००१ च १४३ नम्बरको बोलेरो गाडीलाई रोकेर चेकजाँच गर्दा गाडीमा लुकाएर ल्याइरहेको १ हजार ५ सय २० थान मोबाइलसेट बरामद गरेको ईलाका प्रहरी कार्यालय सिमराका प्रमुख प्रहरी नायव उपरीक्षक मनोजित कुँवरले जानकारी दिनुभयो । कुँवरका अनुसार प्रहरीले घिमिरेलाई काठमाडौँबाट वीरगन्जतर्फ मोबाइल लिएर आरहेको अवस्थामा जितपुरसिमरा उपमहानगरपालिका वडा नम्बर २१ स्थित अमलेखगञ्ज सडकखण्डबाट पक्राउ गरेको हो । घिमिरेले मोबाइलको बिलविजक देखाउन नसकेपछि उनलाई हिरासतमा लिइएको प्रहरी नायव उरीक्षक कुँवरले बताउनुभयो ।
