आर.के.चौधरी
सखुवाप्रसौनी,सबडिभिजन वन कार्यलय रङ्गपुरबाट खटेको गस्ती टोलीले मंगलबार सालको गोलियासहित साइकल नियन्त्रणमा लिएको छ । विषेश सूचनाको आधारमा खटेको टोलीले मंगलवार पटेर्वासुगौली गाउँपालिका वडा नम्बर २ को रङ्गपुर टोलबाट लुकाइछिपाइ राखेको अवस्थामा बिहान ३ः४५ बजे सालको गोलिया बरामद गरेको वन कार्यालयका सुवेदार प्रदीप तिमिल्सिनाले जानकारी दिनुभयो । उहाँका अनुसार जङ्गलबाट चोरी तस्करी गरि ल्याएर गाउँमा लुकाइछुपाई राखेको अवस्थामा गोलिया र काठ ओसार्न प्रयोग भएको साइकल बरामद गरिएको हो ।
