कोल्हबी,सडकमा गुडिरहेको ट्रकमाथि मेन लाईनको तारले छुन लागेको भनेर हटाउने प्रयास गर्दा बाराको बारागढी गाउँपालिका वडा नं २ बिसनपुर्वामा मंगलबार एक किशोरको मृत्यु भएको छ ।
बाराको महागढीमाई नगरपालिका वडा नम्बर ४ दहियार बस्ने वर्ष १८ का अटो चालक राजनकुमार जैसवालको करेन्ट प्रवाह भइरहेको तार उचाल्ने क्रममा करेन्ट लागेर मृत्यु भएको हो । रौतहटस्थित आफ्नो घरतर्फ आउदै गरेको अवस्थामा विसनपुर्वाबाट इटा लोड गरेर चितवनतर्फ जादै गरेको ट्रकले विजुलीको तार छोएपछि जैसवालले विधुत प्रवाह भएको तार समातेका थिए ।
करेन्ट लागेर ना २ ह ३१७५ अटो चालक जैसवालको मृत्यु भएको र ना ४ ख ९४३७ नम्बरका ट्रक चालक बारा कोल्बी नगरपालिका वडा नम्ब १० अमाउ बस्ने गोपालप्रसाद चौधरीलाई नियन्त्रणमा राखिएको जिल्ला प्रहरी कार्यालय बाराले जानकारी दिएको छ ।
