राजन कुमार बानिया
पोखरिया – नेपालबाट भारत तर्फ चोरी गरेर लैजादे गरेकाे ७ सय लिटर डिजल प्रहरीले बरामद गरेकाे छ । पर्साकाे पकाहामैनपुर गाउँपालिका वडा नम्बर १ धोरेबाट ३ वटा भारतिय माेटरसाइकल सहित डिजल बरामद गरेकाे हाे । नेपालबाट भारततर्फ लैजादै गरेको BR22K 3731, BR22G 8424 र BR05D 2896 नम्बरकाे मोटरसाइकल सहित ७ लिटर डिजेल बरामद गरिएको जिल्ला प्रहरी कार्यालय पर्साले जनाएकाे छ ।
नेपालबाट चोरी निकासी गरी अवैध रुपमा डिजेल लैजादै गरेको भनि विशेष सुचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले डिजल बरामद गरेकाे छन् । बरामद गरिएको डिजल र माेटरसाइकल आवश्यक कारवाहीको लागी बीरगंज भंसार बुझाउने कार्य भइरहेको ईलाका प्रहरी कार्यालय पोखरियाका प्रहरी निरीक्षक चन्द्र कुमार सिंहले बताउनु भयो ।
