पुष्पराज खतिवडा
मन्हर्वा – बारा प्रहरीले बालिकासँग बहुविवाह गर्दै गरेकाको अभियोगमा विहिबार अपराहन्न बालिका तीन जनालाई पक्राउ गरेको छ । पक्राउ पर्ने महागढीमाई नगरपालिका ८ धर्मपुरका ३० बर्षिय गणेश साह कलवार, उनीसँग विवाह गर्न तयार रहेकी १६ बर्षिया नाबालिका र बालिकाका बाबुलाई पक्राउ गरिएको बारा प्रहरीले जनाएको छ । बालिका र बालिका बाबुको नाम ठेगाना भने प्रहरीले गोप्य राखेको छ ।
महानगढिमाई नगरपालिका १ स्थीत गढीमाई मन्दिर प्राङ्गणमा बाल विवाह भईरहेको सुचनाको आधारमा त्यहाँ पुगेको प्रहरी टोलीले बालबिवाहमा संलग्नलाई मन्दिर परिसरबाटै नियन्त्रणमा लिएको हो । अपराहन्न चार बजे उनीहरुलाई नियन्त्रणमा लिई थप अनुसन्धान भैरहेको बाराका प्रहरी नायव उपरिक्षक (डिएसपी) गौतम् मिश्रले जानकारी दिए ।
बालिकासँग विवाह गर्न बेहुला बनेका कलवार, बेहुली बन्दै गरेकी बालिका र बालिका बाबुलाई तत्काल पक्राउ गरी जिल्लामा ल्याईएको मिश्रले बताए । नाबालिकालाई निजको बाबुले ललाई फकाई कलवारसँग बिवाह गर्न बाध्य बनाएको अनुसन्धानबाट खुलेको प्रहरीको भनाई छ ।
नाबालिकासँग विवाह गर्न लागेका कलवारकी जेठी श्रीमतीले सिमापती देवीले आफ्ना पतीका विरुद्ध जाहेरी दिएकी छन् । उनको जाहेरीका आधारमा जिल्ला अदालत बाराबाट तीनै जना विरुद्ध बालबिवाह तथा बालबिवाह उद्योग मुद्दामा ५ दिन म्याद अनुमती लिई हिरासतमा राखी अनुसन्धान सुरु गरिएको डिएसपी मिश्रले जानकारी दिए ।
