प्रसौनी गाउपालिकाले एकल महिलाहरुको लागि जाडोमा कम्वल वितरण गरेको छ । वडा नम्वर ४ खुटवाजब्दीमा एकल महिलाहरुलाई शुक्रवार एक कार्यक्रमको आयोजना गरि कम्वल वितरण गरिएको हो । वडा नम्वर ४ का वडाध्यक्ष आन्नद कुमारको अध्यक्षतामा न्यानो कपडा वितरण कार्यक्रमको आयोजना गरिएको थियो । कार्यक्रममा बोल्दै वडाध्यक्ष गुप्ताले आफनो आमाको दुख झै एकल महिलाहरुले जाडो मौसममा दुख भोगिरहेको सम्झेर न्यानो कपडा वितरण कार्यक्रमको आयोजना गरेको बताए ।
जाडो मौसममा कोहि पनि कठयाग्रिएर नमरोस भन्ने मुल आशयले न्यानो कपडा वितरण गरिएको हो । वडाका एक सय १५ जना एकल महिलाहरुलाई कम्वल वितरण गरिएको हो । आफनो वडामा दलित, पिछडिएका महिला वर्गहरुलाइृ लक्षित गरि विकासको कार्यक्रमहरु सञ्चालन गर्दै आएको वडाध्यक्षले बताएका छन । जाडोयाममा केहि हद सम्म भए पनि कम्वल वितरण गरेर जाडो छल्न न्यानो कपडा वितरण गरिएको प्रमुख अतिथि प्रसौनी गाउपालिका अध्यक्ष भोला गुप्ताले जानकारी गराएका छन ।
कार्यक्रममा बोल्दै विशिष्ट अतिथि उपाध्यक्ष गिता साहले गाउपालिका महिलालाई लक्षित गरेर विकासको आयोजना सञ्चालन गरिरहेको बताईन । आफु एक महिला भएको नाताले महिलाहश्रको समस्या सजिलै अनुभव गर्न सक्ने भएकोले महिला मैत्री विकासको आयोजनामा ध्यान दिएर कार्यक्रम ल्याएको बताईन । गाउपालिकाको सहयोग र वडा नम्वर ४ खुटवाजब्दीको आयोजनामा चण्डीमाई स्थित विधालयमा न्यानो कपडा वितरणको आयोजना गरिएको थियो ।
