बिगत ३ हप्ता देखि मधेसको जिल्लाहरुमा बढ्दै गएको शितलहर , ठन्डाको कारण बाराको विभिन्न स्थानीयतहको बिधालयहरुको पठनपाठन ठप्प भएका छन । बढ्दै शितलहर र चिसोको कारण बाराको महागढीमाई नगरपालिका , परवानिपुर गांउपालिका , कलैया उपमहानगरपालिका लगायतको स्थानिय तहमा रहेको सामुदायिक बिधालयहरुको पठनपाठन ठप्प गरिएको छन ।
महागढीमाई शिक्षा शाखाले आईतवार देखि पुस १६ गते सम्म नगर भित्रका बिधालयहरु बन्द रहने सार्वजनिक सूचना मार्फत जनाईएको छ । त्यसैगरी कलैया उपमहानगरपालिकाको उप सचिव प्रहलाद बर्णावालले पुस १३ देखि १६ गते सम्म शितलहर बाट प्रभावित रहेका सम्पुर्ण नगर भित्रका बिधालयहरु ठप्प भएको बताउनु भयो । अत्यन्तै चिसो बढ्दै गएकोले बिदा दिनु स्वभाविक हो तर महागढीमाई नगर क्षेत्रमा गढीमाई मेला बिदा १ महिना , त्यसपछी जाडो बिदा र पुन : जाडो बिदा मिलाईएको हो ।
बाराको महागढीमाई क्षेत्रमा रहेको एक मात्र नमुना बिधालय गढीमाई महेन्द्र प्राबिधिक बिधालयमा अध्यनरत बिद्यार्थीहरुलाई सबैभन्दा बढी बिदाले प्रभावित बनेको कक्षा ९ मा पढ्दै गरेकी पुजा गुप्ताले बताईन । बिदा भएपछि बिद्यार्थीहरु स्थानिय कोचिङ्ग सेन्टरको भरमा रहेको उनले बताईन । बिधालयको बिदा स्थानीय बिदामा कटौती गर्ने गढीमाइ महेन्द्र प्राविधिक नमुना बिधालयको प्रधानाध्यापक रामएकबाल साहले बताए । मधेसको जिल्ला बढ्दै गएकी शितलहर र चिसो कारण बाराको विभिन्न स्थानीय तहको बिधालयहरुको पठनपाठन ठप्प भएपछी बिद्यार्थीहरु अन्यौलमा परेका छन ।
