करैयामाई,बारागढी गाउँपालिका खोपवास्थित बर्थिङ सेन्टरमा पहिलो प्रसुति गराउन सफल भएकी तथा बारागढी गाउँपालिका वडा नम्बर १ निवासी पिंकीकुमारी चौधरी र प्रसुति गराउने कार्यमा संलग्न कर्मचारीहरूलाई सोमवार गाउँपालिकाका प्रमुख प्रशासकीय अधिकृत आमोद चौधरीले सम्मान गर्नुभएको छ ।
सो अवसरमा प्रमुख प्रशासकीय अधिकृत चौधरीले सुत्केरी आमा पिंकीलाई परामर्शसहित न्यानो कपडाको झोला, पोषण आहार प्याकेज, दुधवर्धक तथा शक्तिवर्धक औषधि र प्रोत्साहन स्वरूप पाँच हजारको चेक प्रदान गर्नु भएको छ ।
प्रसुति गराउने कार्यमा सहयोग गर्ने बारागढी बर्थिङ सेन्टर खोपवा बाराका स्वास्थ्यकर्मीहरू, कर्मचारी, अनमी र गाउँपालिकाका स्वास्थ्य शाखा प्रमुख ओमप्रकाश चौधरीले लगायतको उपस्थिति रहेको थियो ।
