पुष्पराज खतिवडा
मनहर्वा,बारामा आइतवार राति आएको ‘मिनी टोनार्डो’ का कारण जीतपुरसिमरास्थित वन क्षेत्रमा दर्जनौं रुख ढलेका छन ।
जीतपुरसिमरा उपमहानगरपालिका वडा नम्बर १६ को पैनिटोल र डकाह बस्ती नजिकको वन क्षेत्रमा आइतबार राति ८ः३० बजेको समयमा टोनार्डोको प्रभाव देखिएको हो । उक्त क्षेत्रको करिव ३०० मिटर वन क्षेत्रमा टोनार्डोको प्रभाव देखिएको स्थानीयले बताएका छन । तीव्र गतिका कारण आएको हावाहुरुका कारण दुई दर्जन बोट बिरुवा जरैदेखि उखलिएर लडेका छन । साथै सडक छेउमा गाढिएका बिजुलीका पोलहरु पनि लढेर क्षति पुगेको स्थानीयले बताए । बस्ती नजिकैबाट ठूलो आवाज दिंदै टोनार्डो वन पसेकाले कुनै किसिमको मानवीय क्षति भने नभएको डकाहका मीनबहादुर रमौलीले जानकारी दिनुभयो ।
टोनार्डोका कारण स्थानीय मौवा देवी माध्यमिक विद्यालय डकाहाले वन क्षेत्र नजिकै लगाएको एक दर्जन फलफूलका बोटमा क्षेति पुगेको छ । यस्तै वनका दुई दर्जन बढी बोटबिरुवा जरा सहित लडेको पाइएको स्थानीयले बताएका छन ।
