जीतपुर,बाराको जीतपुरमा आइतबार आयोजना गरिएको रक्तदान कार्यक्रममा ५१ जनाले रक्तदान गरेका छन् । स्वाति मिडिया प्रा.लि.को आयोजनामा भएको रक्तदानमा नयाँ गोरेटो पुर्नस्थापना केन्द्र पथलैया, ईलाका प्रहरी कार्यालय जीतपुर मञ्जु पहाडी, मुकेश महतो, ट्राफिक कार्यालय जीतपुर, नेपाल÷ बिहार रेडियो स्रोता संघका फुलसरिफ ंअंसारी लगायतले रक्तदान गर्नुभएको थियो ।
कार्यक्रममा नगर उद्योग वाणिज्य संघका अध्यक्ष संजय साह, स्थानीय समाजसेवी मनोज गुप्ता, शिवजी साह सोनार, युवा संघ नेपालका मनोज साह, अफताब आलम, सोहन शर्मा, सावित्री पिपले, मनिर अंसारी लगायतको उपस्थिति रहेको थियो ।
स्वाति मिडियाव्दारा संचालित एपी खबर डटकमको वार्षिक उत्सव तथा प्रा.लि.का अध्यक्ष अनिल तिवारीको जन्म दिनको अवसर पारेर कार्यक्रमको आयोजना गरिएको हो ।
जीतपुरसिमरा उपमहानगरपालिकाकी नगर उपप्रमुख सरस्वतीदेबी चौधरीको प्रमुख आतिथ्यतामा भएको सो कार्यक्रममा पहिलो रक्तदाता एंव स्थानीय व्यवसायी र नेपाल÷ बिहार रेडियो स्रोता संघका जीतेन्द्र साह सोनार (समर्पण) लाई रगत डोनेट गर्ने पोका हस्तान्तरण गरेपछि रक्तदान आरम्भ भएको थियो ।
कार्यक्रमको सहजीकरण एसएस पटेलले गर्नुभएको थियो भने नेपाल रेडक्रस सोसाइटी रक्तसञ्चार केन्द्र वीरगन्ज र जीतपुर स्वास्थ्य चौकीले प्राविधिक सहयोग उपलब्ध गराएको थियोे ।
