वीरगन्ज,वीरगन्ज महानगरका सबै विद्यालयहरु अब खुल्ने भएका छन् । कोरोना भाईरसको दोश्रो लहरको संक्रमण तीव्र गतिमा फैलिन थालेको भन्दै विगत ३ महिनादेखि बन्द रहेका वीरगन्जका विद्यालयहरु अब खुल्ने भएका छन् ।
वीरगन्ज महानगरपालिकाले बुधबार विभिन्न सरोकारवालासँगको छलफलपछि आगामी साउन ३१ आइतबारदेखि कक्षा ८ देखि उच्च माविका कक्षा भौतिक रुपमा उपस्थित भएर संचालन गर्ने निर्णय गरेको छ । विद्यालय संचालन गर्ने निर्णय गरिएको भएपनि नेपाल सरकारले तोकेको स्वास्थ्य मापदण्ड पालना गर्न विद्यालयलाई निर्देशन दिने निर्णय गरेको वीरगन्ज महानगरका मेयर विजय सरावगीले बताउनुभयो । वीरगन्ज महानगरपालिकाले विद्यालयहरुमा स्वास्थ्य सुरक्षाका मापदण्ड पालना भए नभएको बारे अनुगमन समेत गर्ने मेयर सरावगीले बताउनुभयो ।
