कृष्ण मोहन साह
सेढवा,पर्साको जिराभवानी गाउँपालिकामा एक बिवाहित महिलालाई आफनै श्रीमान् र ससुराले कपाल मुण्डन गरेर अमानवीय व्यवहार गरेका छन् । जिराभवानी गाउँपालिका वडा नम्बर १ महादेवपट्टीको बलुवाकी महिलालाई श्रीमान र ससुराले निर्घात कुटपिट गर्नुका साथै कपाल मुन्डन गरेका हुन । बलुवा गाँउकी रेखा देवीलाई श्रीमान राजु साह तेली र ससुरा भिनेसर साह तेलीले घरायसी झगडाको बिषयलाई लिएर निर्घात कुटपिट गर्नुको साथै कपाल मुण्डन गरेका हुन् । घटनाको जानकारी पाएपछि पीडित महिलाका ससुरा र श्रीमानलाई पक्राउ गरिएको ईलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाले जानकारी दिनुभयो । पक्राउ गरिएका श्रीमान र ससुरालाई आवश्यक कार्वाहीको लागि जिल्ला प्रहरीको हिरासतमा राखी थप अनुसन्धान भइरहेको उहाँले बताउनुभयो । अनुसन्धानमा दोषि ठहरिए उनीहरुलाइ कानुन अनुसार कडाभन्दा कडा कारबाही गरिने जिल्ला प्रहरी कार्यालय पर्साका प्रमुख प्रहरी उपरीक्षक वेलबहादुर पाण्डेले जानकारी दिनुभयो ।
