कृष्ण मोहन साह,सेढवा,पर्साको धोबनी गाउँपालिकामा आइतबार दिउँसो आगलागी हुदा गहुँखेती जलेर नष्ट भएको छ । आगलागीबाट दुई बिघा क्षेत्रफलमा लगाइएको गहु जलेर नस्ट भएको हो । धोबनी गाउँपालिका वडा नम्बर १ घोडदौर पिपराका स्थानीय मथुराप्रसाद पटेलको गहुँखेतमा आगलागी हँुदा दुई बिघा क्षेत्रफलमा लगाइएको गहु पूर्ण रुपले जलेर नष्ट भएको सशस्त्र प्रहरी बोर्डर आउट पोस्ट भिखमपुरका सशस्त्र प्रहरी निरीक्षक किशमान तमाङ्गले जानकारी दिनुभयो । स्थानीय अमिरका साह रौनियारले गहुँ नभएको नलमा आगो लगाउँदा सोही आगो फैलिएर आगलागी भएको प्रहरीले जनाएको छ । उक्त आगलागी सशस्त्र प्रहरी, स्थानीयको सहयोगमा नियन्त्रणमा लिइएको सशस्त्र प्रहरी निरीक्षक तमाङ्गले जानकारी दिनुभयो । गर्मीयाम र सुख्खा याम बढेसंगै आगलागीको घटना पनि दिन प्रतिदिन बढदै गइरहेका कारण सावधानी अपनाउनुपर्नेमा सरोकारवलाहरुले सुझाव दिँदै आइरहेका छन् ।
