नरेश गुप्ता

बरियारपुर – कोरोना कोभिड १९ को संक्रमण  रोकथाम गर्न खटेका चिकित्सकहरुले पि पि सेट बिना नै कलैया उपमहानगरपालिका शिक्षा तालिम केन्द्रमा बनाईएको  क्वारेन्टाइनमा बसेकालाई चेकजाँच  गरिदै आएको छ । कोरोना कोभिड १९ को महामारी  देश भरी नै फैलिरहेको अवस्थामा  कलैया उपमहानगरपालिका ७ गंगापुर स्थित शिक्षा तालिम केन्द्रमा बनाईएको क्वारेन्टाइनमा चिकित्सकले जोखिम उठाउदै शंकास्पद ब्यक्तिहरुको चेकजाँच  गरिएको  खटिएका हेल्थ अधिकृत  शैलेश कुमार मण्डलले बताए ।

 

 

 

चैत्र  १३ गते देखि क्वारेन्टाइनमा बसेकालाई कोरोना कोभिड १९ को चेकजाँच ४९ जनालाई   गरिएको  र अहिले क्वारेन्टाइनमा ३ जना रहेको रात्री डिउटी गर्दै आएको चिकित्सक  शिवपुजन साहले बताए । कलैया उपमहानगरपालिका अन्तर्गत  रहेको  क्वारेन्टाइनमा  स्वास्थ शाखा र जिल्ला  जनस्वास्थ्य  कार्यलयले  समेत  पि पि ई सेट उपलब्ध  नगराईएको अवस्थामा जोखिम उठाई क्वारेन्टाइनमा बसेकोलाई चेकजाँच  गरिएको छ ।

 

 

 

 

कलैया उपमहानगरपालिका अन्तर्गत रहेको स्वास्थ शाखा  प्रमुख प्रेमचन्द्र जैसवालले  खटेको चिकित्सकलाई चाडै सुरक्षाको लागि पि पि ई सेट उपलब्ध  गराउने जानकारी  दिनु भयो । बारा जिल्ला  अन्तर्गत  रहेको अरु स्थानीय तहमा बनाईएको क्वारेन्टाइन जस्तो यहाँ  सेवा सुबिधा नदिइएको  चिकित्सकहरुले आरोप लगाए ।

 

 

 

 

स्वास्थ शाखाले ग्लोभस , सेनटिजाईर , थर्मल गन  मात्र उपलब्ध  गराईएको  चिकित्सकले जानकारी  गराए । शिक्षा तालिम केन्द्रमा बनाईएको क्वारेन्टाइनमा इन्चार्ज अमित चौधरी , अहेव नमिता कुमारी पासवान , अनेमी नगिना जैसवाल , शैलेश कुमार मण्डल , शिवपुजन साह लगायतले  सेवा दिदै आएको छन ।

LEAVE A REPLY

Please enter your comment!
Please enter your name here