नरेश गुप्ता
बरियारपुर –  नेपाल  ई रिक्सा  चालक संघ बाराले आफ्नो २ बुन्दे मांग अघि सार्दै बुझाउदै आएको ब्याज मिनहा गर्न जोडदार  मांग गरेका छन् । नेपाल ई रिक्सा चाल संघ बाराको अध्यक्ष  जयराम महतो कोईरिको अध्यक्षतामा सोसल डिसटेनसिपको पालना गरि बसेको बैठकले आफ्नो मांगहरु अघि सारेको छ ।  कोरोना कोभिड १९ को संक्रमण रोकथामको लागि देशभर  लगाईएको लक डाउनमा संघ बाराले सहमती जनाउदै  उनिहरुले विभिन्न  बैंकलाई बुझाउदै आएको ब्याज रकम मिनहा गर्न समबन्धित निकाय संग जोडदार  मांग गरिएको छ ।
लक डाउनले ल्याएको बेरोजगारी समस्याले आफुहरु मर्माहत भएकोले बैकको ब्याज  लक डाउनको अवधी सम्म बुझाउन नसक्ने  नेपाल ई रिक्सा चालक संघ बाराको अध्यक्ष  जयराम महतोले बताए ।  त्यसैगरी  कोरोना कोभिड १९ संक्रमण रोकथामको लागि नेपाल सरकारले लगाएको लक डाउनको पालना संघ बाराले पुर्ण रुपमा पालना गर्दै आएकोले बेरोजगार ,असहाय  मजदुर चालकहरुलाई बाराको १६ औ स्थानीय तहमा रहेको स्थानीय  सरकारले राहत उपलब्ध गराईदिन नेपाल ई रिक्सा चालक संघ बाराले मांग गरेको  अध्यक्ष  महतोले बताए । नेपाल  सरकारले लगाएको लक डाउनमा बारा जिल्लामा संचालन रहेको  सबै ई रिक्सा , अटो  ठप्प  रहेका छन् ।

LEAVE A REPLY

Please enter your comment!
Please enter your name here