कृष्ण मोहन साह
सेढवा – प्रहरीले शनिबार पर्साको ठोरि गाउँपालिकामा अबैध रुपमा लगाइएको गाजा खेती फाडेर नस्ट गरेको छ । प्रहरी चौकी बिजय बस्तीका प्रहरी नायव निरीक्षक सुरज आचार्य र सशस्त्र प्रहरी बोर्डर आउट पोस्ट सुवर्णपुरका सशस्त्र प्रहरी निरीक्षक सागर मल्लको नेतृत्वमा गएको प्रहरी टोलिले बिजय बस्तीको विशाल चौकमा अबैध रुपमा लगाइएको अन्दाजी तीन कठाको गाजा खेती फाडनुको साथै आगो लगाइ नस्ट गरिएको जिल्ला प्रहरी कार्यालय पर्साले जनाएको छ ।
गाजा खेती कस्को हो भन्ने बारेमा अनुसन्धान भैरहेको र अहिले पनि त्यस क्षेत्रमा गाजा खेती गरिएकोले खोजी गरि फाड्ने अभियान जारी नै राखिएको सशस्त्र प्रहरी बोर्डर आउट पोस्ट सुवर्णपुरका सशस्त्र प्रहरी निरीक्षक सागर मल्लले जानकारी दिनुभयो ।
