कृपा संवाददाता
कलैया – बारामा भने तस्कारी जुन गतिमा भईरहेको छ । त्यही गतिमा तस्करी कार्य रोक्न प्रहरीपनि लागि परेको छ । अहिले बारामा भने छोहराको तस्करी तिब्र रुपमा भईरहेको बुझिएको छ । ईलाका प्रहरी कार्यालय सिम्रौनगढका प्रहरी निरिक्षक अपूर्व ढुङ्गानाको कमाण्डमा खटिएको टोलीले लाखौं मूल्य बराबरको छोहरा , गाडी तथा एक जनालाई पक्राउ गरेको बारे जिल्ला प्रहरी कार्यालय बाराले जानकारी दिए ।
बाराको आदर्श कोतवाल गाउँपालिका वडा नम्बर ६ स्थित सडकमा ना ४ च १७०८ नम्बरको पिकप गाडीमा छोहरा ल्याईरहेको अवस्थामा रौतहटको चन्द्रपुर नगरपालिका वडा नम्बर ६ मा बस्ने २३ वर्षिय सुजन राईलाई समेत पक्राउ गरीएको प्रहरीले जनाएको छ । बरामद गरेको छोहराको मूल्य तिन लाख चार हजार छ सय ९३ रुपैया पर्ने प्रहरीले बताए ।
जिल्ला प्रहरी कार्यालय बाराका प्रहरी नायब उपरिक्षक रंजित सिंह राठौरले दिएको जानकारी अनुसार ना ४ च १७०८ नम्बरको पिकप गाडीमा छोहरा ल्याईरहेको अवस्थामा ईलाका प्रहरी कार्यालय सिम्रौनगढका प्रहरी निरिक्षक ढुङ्गानालाई शंकास्पद लागेपछि वरामद छोहरा तथा गाडी चालक सहित आवश्यक कारवाहीको लागी राजश्व अनुसन्धान विभाग कार्यालय पथलैयामा पठाएको बताए ।
