वीरगञ्ज,पर्साको बहुदरमाई नगरपालिकामा एक किसानको खेता राखेको धानको कुन्युमा अज्ञात समुहले आगो लगाएको छ ।बहुदरमाई नगरपालिका वडा नम्बर ९ बिश्रामपुर निवासी शम्भु साह तेलीको धानको कुन्युमा अज्ञात समूहले आगो लगाइदिएको हो ।
खेतको खलोमा कुन्यु लगाएर राखेको धानमा कसैले जानीजानी आगो लगाइदिएको किसान तेलीको आशंका छ ।
आगो लगाइदिनेलाई छानबिन गरी कारबाही गर्न र पीडित किसानलाई क्षतिपूर्ति उपलब्ध गराउनुपर्ने स्थानीयहरुको माग छ । आगामी दिनमा अरु किसानको खेतमा पनि आगो लाग्न सक्ने भएकाले प्रशासनले गम्भिरता पूर्वक यस घटनाको छानविन गरी दोषिलाई कारवाही गर्नुपर्ने स्थानीयले आवाज उठाएका छन् ।
