काठमाडौं,बाँसबारी छाला जुत्ता उद्योगको जग्गा हडपेको आरोपमा प्रतिष्ठित व्यवसायी विनोद चौधरीका भाइ अरुण चौधरी पक्राउ परेका छन् । सीआईबीले उनलाई काठमाडौंको लैनचौरबाट पक्राउ गरेको हो ।छाला जुत्ता उद्योगको जग्गा हडपेको आरोपमा केन्द्रीय अनुसन्धान ब्यूरो (सीआईबी)ले चौधरीलाई पक्राउ गरेको हो ।
सीआईबीका एसएसपी दिनेश आचार्यको कमाण्डमा बाँसबारी छाला जुत्ता उद्योगको जग्गााका बारेमा अनुसन्धान भइरहेको छ ।बाँसबारी छालाजुत्ता कारखानाको १० रोपनी सरकारी जग्गा उद्योगपति तथा नेपाली कांग्रेसका सांसद विनोद चौधरी घरानाले हडपेको पाइएको सीआईबीले जनाएको छ । सोही कसुरमा उनलाई पक्राउ गरिएको सीआईबी स्रोतले पुष्टि ग¥यो । चौधरी ग्रुपले च्याम्पियन सु फ्याक्ट्रीका नाममा बाँसबारी छाला जुत्ता कारखानाको जग्गा हडपेको आरोप छ । उक्त फ्याक्ट्रीको सेयर सदस्यमा सांसद विनोदकुमार चौधरी, अरूणकुमार चौधरी लगायत रहेका थिए । कुनै समय उक्त जग्गा दिएबापत बाँसबारी छाला तथा जुत्ता कारखाना समेत सेयर सदस्य बनेको थियो ।बाँसबारी छाला जुत्ताको १० रोपनी जग्गा उक्त सु फ्याक्ट्रीले लगेको कुरा डा भगवान कोइरालाले आफ्नो पुस्तक हृदयमा उल्लेख गर्नुभएको थियो । त्यसैका आधारमा उक्त विषय फेरि चर्चामा समेत आएको थियो ।
