निजगढ,बारामा प्रहरीले लागूऔषध गाँजासहित तिन जनालाई नियन्त्रणमा लिएको छ ।प्रहरीले बाराको कोल्हबी नगरपालिका वडा नम्बर– २ भलुहीखोरबाट अवैध लागूऔषध पाँच किलो गाँजासहित तिन जनालाई सोमवार साँझ नियन्त्रणमा लिएको हो ।पक्राउ पर्नेमा निजगढ नगरपालिका– १३ बस्ने ३८ वर्षीय बलराम लामा, २७ वर्षीय अनिल लामा र ३५ वर्षीय शुकराम स्याङतान रहेका छन् ।अस्थायी प्रहरी पोष्ट झुरझुरबाट खटिएको प्रहरीले तामागढीबाट कोल्हबीतर्फ आउँदै गरेको ना.२ ह १४०० नम्बरको अटोलाई जाँच गर्ने क्रममा अटोमा सवार उनीहरूलाई गाँजासहित नियन्त्रणमा लिएको थियो ।पक्राउ परेकाहरूलाई जिल्ला प्रहरी कार्यालय बारामा राखेर अनुसन्धान भइरहेको छ ।
