वीरगन्ज,सशस्त्र प्रहरीले वीरगन्जबाट अवैध भारतीय नम्बर प्लेटको कार नियन्त्रणमा लिएको छ । तीन दिनको ईजाजत पत्र बनाई ११८ दिनसम्म राखिएको कार नियन्त्रणमा लिएको हो ।
भदौ २१ गते दिउँसो साढे २ बजे वीरगन्ज(१६ भन्सार रोडमा बोर्डर आउट पोष्ट वीरगन्जबाट खटिएको गाडी मोबाईल टोलीलाई देख्ने वित्तिकै कार छोडेर चालक भागेका थिए ।
बीआर ०६ एभी ५९१४ नम्बरको सेतो कार चेकजाँच गर्दा गौर भन्सार कार्यालय रौतहटबाट बैशाख २६ गतेदेखि २८ गतेसम्मको इजाजत पत्र बनाई नेपाल प्रवेश गरी १ सय १८ दिन नेपालमै राखिएको रहेछ ।
कारको मुल्य २० लाख रुपैयाँ मुल्यांकन गरी आवश्यक कारबाहीका लागि वीरगन्ज भन्सार कार्यालयमा पर्सामा बुझाईएको सशस्त्र प्रहरी बल १३ नं गणका प्रवक्ता प्रहरी नायब उपरीक्षक सन्तोषकुमार बस्नेतले जानकारी दिनुभयो ।
