कलैया,नेकपा एमाले बारा जिल्ला कमिटीले कलैया उपमहानगरपालिकाको मेयर उम्मेद्वार बनाउन जिल्ला कमिटी अध्यक्ष विनोद साहसहित चार जनाको नाम सिफारिस गरेको छ ।
कलैयाको मेयर उम्मेद्वारका लागि जिल्ला अध्यक्ष विनोद साह, कलैया नगरपालिकाका पूर्व मेयर रबिन्द्र दास श्रेष्ठ, कलामोदिन अन्सारी र भगवती दुलालको नाम प्रदेश कमिटीमा सिफारिस गरेको जिल्ला अध्यक्ष साहले जानकारी दिनुभयो ।
कलैया उपमहानगरपालिकाको उपमेयरको उम्मेद्वारमा रौशन प्रविन, समिउल्लाह ठकुराई, सायमा खातुनलाई नगर कमिटीले सिफारिस गरेको र सो नाममा जिल्ला कमिटले प्रतिमा यादवको नामसमेत थप गरि प्रदेश कमिटीमा सिफारिस गरेको अध्यक्ष साहले बताउनुभयो ।
