नरेश गुप्ता
बरियारपुर,बाराको पचरौता नगरपालिका वडा नम्बर ९ बाजोपटीस्थित सशस्त्र प्रहरीद्वारा २८ किलो अबैध लागूऔषध गाँजा सोमबार बरामद गरेको छ ।
सशस्त्र प्रहरी बल नेपाल २ छिन्नमस्ता बाहिनीको टोली र सशस्त्र प्रहरी बेस क्याम्प तेलकुवाबाट खटेको संयुक्त गस्ती टोलस्लाई देख्ने बित्तिकै तीन÷चार जनाको समुहमा रहेका गाँजा तस्करहरु गाँजा छाडेर फरार भएका थिए । उनीहरुले टाउकोमा बोकेर नेपालबाट भारततर्फ लगिरहेको अवस्थामा सशस्त्र प्रहरीलाई देखेपछि गाँजा छोडी फरार भएको सशस्त्र प्रहरी बल १२ गणका गणपति राजेन्द्र थापाले जानकारी दिनुभयो ।
बरामद गरिएको लागूऔषध गाँजा आवश्यक कारबाहीको लागि जिल्ला प्रहरी कार्यालय बारामा बुझाइएको छ । बारा जिल्ला लागूऔषध ओसारपसारको ट्रान्जिटको रुपमा देखिएपछि सशस्त्र प्रहरी बलले निगरानी बढाउदै आएको छ ।
