नरेश गुप्ता
बरियारपुर,जनता समाजवादी पार्टी नेपालले कलैया उपमहानगरपालिकाको लागि मेयर र उपमेयर पदमा पार्टीको तर्फबाट उम्मेदवारको नाम छनौट गरेको छ ।
शनिवार सम्पन्न जिल्ला कार्यसमितिको बैठकले मेयरमा तीन जना र उपमेयरमा तीन जनाको नाम सिफारिस गरेको जिल्ला अध्यक्ष शिवनाथ पटेलले जानकारी दिनुभयो ।
जसपा केन्द्रीय सद्स्य एवं संविधान सभाका सदस्यसमेत रहेका प्रमोद गुप्ता, धर्मेन्द्र यादव, कृष्ण दासको नाम कलैया उपमहानगरपालिकाको मेयरको लागि सिफारिस गर्ने निर्णय भएको हो । गुप्ता गत स्थानीय तहको निर्वाचन २०७४ मा समेत कलैया उपमहानगरपालिकामा मेयरको प्रत्यासी रहेको र तेस्रो स्थानको मत ल्याउन सफल बन्नुभएको थियो ।
त्यसैगरी जसपाले उपप्रमुखमा लक्ष्मी पटेल, उम्रावती यादव, प्रकाश चौगाई र .शंकर यादवको नाम सिफारिस गरेको छ ।
