नरेश गुप्ता
बरियारपुर,जिल्ला प्रहरी कार्यलय बारामा ६ दिने अपराध अनुसन्धान बिशेष अनुशिक्षण तालिम संचालन भएको छ ।
जिल्ला प्रहरी कार्यालय बाराका प्रहरी प्रवक्ता राजेश थापाले अपराध अनुसन्धान विशेष अनुशिक्षण तालिमको उदघाटन गर्दै अपराध न्यूनीकरणमा प्रहरीको महत्वपूर्ण भुमिका रहने भएकोले तालिमको आयोजना गरिएको बताउनुभयो । उहाँले अपराध अनुसन्धानमा तालिमको प्रभावकारिता ठूलो रहने जानकारी दिनुभयो ।
जिल्ला प्रहरी कार्यलय बारा परिसरमा प्रहरी हवल्दार र प्रहरी जवान .लक्षित घुम्ति प्रशिक्षण अन्तर्गत ‘अपराध अनुसन्धान विशेष अनुशिक्षण तालिम’ संचालन भएको छ । अपराध अनुसन्धान बिशेष तालिममा प्रहरी प्रधान कार्यालय महराजगंज केन्द्रीय कार्यलयका प्रहरी सहायक निरीक्षक प्रीन्सकुमार साह, ललितकुमार साहले सहभागी मातहतका ३५ प्रहरीहरुलाई प्रशिक्षण दिइरहनुभएको जिल्ला प्रहरी कार्यालय बाराका प्रहरी प्रवक्ता राजेश थापाले जानकारी दिनुभयो ।
