निजगढ,बाराको निजगढ नगरपालिका वडा नम्बर ७ स्थायी घर भएका पृथ्वी नेपाल हेटौंडा सुर्योदय लियो क्लबका अध्यक्ष चयन हुनुभएको छ । २०२०÷२०२१ का अध्यक्ष लियो शुभम लम्सालको अध्यक्षतामा सम्पन्न अधिवेशनबाट नेपाल सर्वसम्मत अध्यक्ष चयन हुनुभएको हो ।
नेपालले आगामी जुलाई १ बाट कार्यभार सम्हाल्नु हुने छ । त्यस्तै क्लबको उपाध्यक्षमा लियो सबिन रिजाल, व्दितिय उपाध्यक्षमा लियो निकित पोख्रेल, तृतीय उपाध्यक्षमा लियो सुबास भण्डारी, सचिवमा लियो अभि मैनाली र कोषाध्यक्षमा लियो रमेश सापकोटा चयन हुनुभएको छ ।
क्लबको स्थापनाकाल (२०१६) देखि सह–सचिव, सचिव र उपाध्यक्ष हुँदै नेपाल अध्यक्षमा चयन हुनुभएको हो । क्लबमा आफ्नो लामो अनुभव रहेको बताउदै नेपालले आगामी कार्यकालमा लियोमा तालिमलाई प्राथमिकतामा राख्दै समाज सेवामा विशेष जोड दिदै क्लबलाई नयाँ पहिचान दिने बताउनुभयो । यसअघि क्लबको अध्यक्षमा निजगढकै सौरभ अधिकारी अध्यक्ष बन्नुभएको थियो ।
लायन क्लबअफ हेटौँडा सूर्योदयका निवर्ततमान अध्यक्षय सुवम लम्सालले नवनिर्वाचित पदाधिकारीहरुलाई बधाई तथा सफल कार्यकालको शुभकामना दिंदै उत्पादन मुलक सामजिक कार्यमा लाग्न सुझाब दिनुभएको थियो ।
