राजन कुमार बानिया,पोखरिया,
पर्साको छिपहरमाई गाउँपालिका वडा नम्बर– १ मिर्जापुरमा अखिल नेपाल महिला संघको वडा स्तरीय कमिटी गठन भएको छ । मिर्जापुरमा भएको भेलाले प्रमीला देवी यादवको अध्यक्षतामा १ सय ३१ सदस्यीय कमिटी गठन गरिएको हो । वडा स्तरीय कमिटीको उपाध्यक्षमा नजमा खातुन, सचिव श्रीपती देवी, सह सचिव रमावती देवी हजारा, कोषाध्यक्ष श्रीमती देवी र सदस्यहरु प्रतिमा देवी, निर्मला देवी, सबीता देवी राम, उमरावती देवी, लक्ष्मीना देवी, भुवा देवी, सुगान्धी देवीलगायत १ सय ३१ सदस्यीय महिला संघ को कमिटी गठन भएको छ । भेला छिपहरमाई गाउँपालिका अध्यक्ष मनोज गुप्ताको प्रमुख अतिथ्यतामा भएको हो । कार्यक्रममा वडा नम्बर १ का वडा अध्यक्ष राजबली राउत अहिर बिशिष्ट अतिथिको रुपमा उपस्थित हुनुभएको थियो । भेलामा वडा सदस्य भाग्रीत महरा, रहमान मिया, मनीफ मिया, राजेश यादव, पर्सन यादव, रामेश्वर शाह, मंगनि यादव, भिखारी पटेल, धर्मेन्द्र यादव लगायतको पनि उपस्थिति रहेको थियो । कार्यक्रममा स्वागत मन्तव्य सुवास साहले गर्नुभएको थियो ।
