निजगढ, १८ कार्तिक– महागढीमाई नगरपालिका वडा नम्बर– ३ मा विभिन्न पार्टी परित्याग गरी सोमबार आधा दर्जन कार्यकर्ता नेकपामा प्रवेश गरेका छन् ।
नवप्रवेशीहरुलाई नेकपाका नेता एंव पूर्व युवा तथा खेलकुद मन्त्री पुरुषोत्तम पौडेल र नेकपा केन्द्रीय सदस्य दिनेश राईले अवीर टिका लगाएर पार्टीमा स्वागत गर्नुभएको थियो ।
नेकपा बाराको पार्टी कार्यालय कलैयामा आयोजित कार्यक्रममा नेता पौडेल र राईले नवप्रवेशीहरुलाई पार्टीमा स्वागत गर्दै योग्यता र क्षमताको आधारमा जिम्मेवारी दिने बताउनुभएको थियो ।
सो अवसरमा जनता समाजवादी पार्टीबाट गणेश प्रसाद गुप्ता, अम्वु प्रसाद शाह, नेकाबाट हरिनारायणप्रसाद कुशवाहा, सोहन पण्डीत, फूल महम्मद अन्सारीलगायत आधा दर्जन कार्यकर्ता रहेका छन् ।
पार्टी प्रवेश कार्यक्रममा नेकपाका नेता तथा संविधान सभाका सदस्य जयराम दाहाल, नेकपा बाराका नेता मनोज पौडेल, राजेन्द्रप्रसाद कलवार, रामबाबु यादव, बिजेन्द्र चौधरी, ईश्वर ढकाल, प्रेम बराल, ध्रुव यादव, नेकपा महागढीमाई नगर कमिटीका सचिव ध्रुव साहलगायतको उपस्थिति रहेको थियो ।
