अनिल तिवारी
सिमरा – पर्सा राष्ट्रिय निकुञ्ज मध्यवर्ती क्षेत्र अन्तरगत रहेको जनहित उपभाक्ता समिति सिमरा बाराका अध्यक्ष अमृतलाल श्रेष्ठले पश्चिममा रहेका राष्ट्रिय निकुञ्जहरुलाई पर्सा राष्ट्रिय निकुञ्जको भ्रमणमा आउन निम्तो गर्नुभएको छ ।
पौष २१ गतेबाट नेपालको पश्चिममा रहेका बर्दिया राष्ट्रिय निकुञ्ज, शुक्ला फाँटा राष्ट्रिय निकुञ्ज र बाँके राष्ट्रिय निकुञ्जको अध्ययन अवलोकन गर्ने क्रममा उहाँले पर्यटन वर्ष २०२० को अवसरमा पर्सा राष्ट्रिय निकुञ्जको भ्रमण गर्न आउन निकुञ्ज प्रमुखहरुलाई निम्तो गर्नुभएको हो ।
समितिले भ्रमण वर्ष २०२० को अवसर पारेर पर्सा राष्ट्रिय निकुञ्ज मध्यवर्ती क्षेत्र अन्तरगत रहेको जनहित उपभाक्ता समिति मातहतका सदस्यहरुलाई नेपालको पश्चिममा पर्ने विभिन्न पर्यटकिय क्षेत्रको ४ दिने अध्ययन अवलोकन गराएको समितिका अध्यक्ष श्रेष्ठले जानकारी दिनुभयो ।
उहाँले पर्यापर्यटनको प्रचुर सम्भावना रहेको पर्सा राष्ट्रिय निकुञ्जमा पर्यटन प्रवर्धनका लागि राज्यको तिनै तहको लगानी आउन आवश्यक रहेको समेत जानकारी गराउनुभएको थियो । नेपालको राजधानि काठमाडौँसंग नजिक रहेको यस पर्सा राष्ट्रिय निकुञ्जमा बिदेशी पर्यटनलाई समेत ल्याउन सकिने भएकोले पनि यस निकुञ्जमा पर्यटनको सम्भावना बढेको उहाँको भनाई थियो ।
यसैगरी अध्ययन भ्रमणमा सहभागी हुनुभएका प्रदेश नम्बर २ का प्रदेश सभा सदस्य सुन्दर विकले प्रदेश सरकारको प्राथमिक्तामा परेको पर्यटनको क्षेत्रलाई थप प्रवर्धन गर्न आफुहरुले सक्दो सहयोग गर्ने प्रतिबद्धता ब्यक्त गर्नुभएको थियो ।
समितिले भ्रमण वर्ष २०२० को वसर पारेर आयोजना गरेको यस भ्रमणमा प्रदेश नम्बर २ का प्रदेश सभा सदस्य सिता गुरुङ्ग, शोभा लामा सहित जीतपुरसिमरा उपमहानगरपालिकाका नगर उपप्रमुख सरस्वती चौधरीले समेत पर्यपर्यटन प्रवर्धन गर्न आ आफ्नो तहबाट सहयोग गर्ने प्रतिबद्धता ब्यक्त गर्नुभएको थियो ।
भ्रमणमा भिजिट नेपाल २०२० प्रदेश नम्बर २ का सदस्य मोहन शर्मा लामिछाने, जनहित उपभोक्ता समितिका उपाध्यक्ष अनिता लम्साल अधिकारी, राधाकृष्ण सामुदायीक बन समुहका अध्यक्ष चोलाबहादुर पण्डित, मुसहर्नीमाई बन समुहका अध्यक्ष कुबेर न्योपाने, भिमेश्वर सामुदायीक बन समुहका अध्यक्ष पेशल मुल्मी, र जनजागरण सामुदायीक बन समुहका अध्यक्ष तारा कार्की लगायत समितिका सदस्यहरुको सहभागीता रहेको छ ।
चार दिने भ्रमणका लागि आफ्ना मातहतका समुहहरुको सदस्य सहित भ्रमणमा निस्केको यस समितिले उहाँले यो भ्रमण नेपालको पश्चिममा बाकेँ बर्दिया क्षेत्रमा रहेका राष्ट्रिय निकुञ्ज, आरक्षका साथै मध्यवर्ती क्षेत्र संग सम्बन्धित सिको सहकारीहरुको समेत अध्ययन अवलोकन गर्ने छ । भ्रमण वर्ष २०२० को अवसर पारेर आयोजना गरीएको यस भ्रमणको क्रममा समितिका सदस्यहरुले बर्दिया राष्ट्रिय निकुञ्ज, शुक्ला फाँटा राष्ट्रिय निकुञ्ज, बाँके राष्ट्रिय निकुञ्जका साथै नेपालकै लामो झुलुङ्गे पुल महाकालि पुल, पर्यटकिय स्थल लुम्बिनि लगाएका स्थलको भ्रमण गरेका छन् ।
