निजगढ – निजगढमा शनिबार राति भएको सवारी दुर्घटनामा परी एक एम्बुलेन्स चालकको मृत्यु भएको छ। मृत्यु हुनेमा रौतहटको चन्द्रपुर–९ डुमररियाका करिब ३२ वर्षीय चालक ईश्वर विष्ट रहेका छन । बिरामीलाई अस्पताल पुर्याएर रौतहट घर फर्किंदै गरेको ना ५ ख १०३३ नम्बरको एम्बुलेन्स पूर्वबाट निजगढतर्फ आउँदै गरेको ना ६ ख ४९५४ नम्बरको ट्रकसँग राति करिब पौने ९ बजे निजगढ पुर्वमा पर्ने भमरा खोला पारी राजमार्गमा एक आपसमा ठोक्किदा एम्बुलेन्स चालक विष्टको मृत्यु भएको इलाका प्रहरी कार्यालय निजगढले जनाएको छ ।
एम्बुलेन्समा चालक मात्र सवार रहेका र उनको घटनास्थलमा नै मृत्यु भएको प्रहरीले बताएको छ । मृतकको शव परीक्षणका लागि प्रहरीले चन्द्रपुर अस्पताल पठाएको छ । ट्रक राजमार्गबाट दक्षिणतर्फ जंगलमा झरेको थियो भने ट्रकका चालक भने फरार रहेका छन ।
