वीरगञ्ज,वीरगञ्ज महानगरपालिका वडा नम्बर १६ स्थित सडकमा मंगलवार बिहान दुर्घटना हुँदा एक जना साइकल यात्रुको मृत्यु भएको छ । मृत्यु हुनेमा बाराको फेटा गाउँपालिका वडा नम्बर ५ का ४५ वर्षीय चोकट भन्ने तैमुदिन मियाँ रहेका छन् ।
तेजस एकेडेमीको ना५ख १५०४ नम्बरको बसले ठक्कर दिँदा मियाँको मृत्यु भएको हो । प्रहरीका अनुसार तीव्र गतिमा गुडिरहेको बसले साइकललाई ठक्कर दिएको थियो ।घाइते मियाँलाई नारायणी अस्पतालमा पु¥याएलगत्तै चिकित्सकले मृत घोषित गरेको वडा प्रहरी कार्यालय विर्ताका प्रहरी निरीक्षक निरोज चौलागाईले जानकारीले दिनुभयो ।ठक्कर दिने बस र त्यसका चालक देवा पासवानलाई नियन्त्रणमा लिएर अनुसन्धान भइरहेको निरीक्षक चौलागाईले बताउनुभयो ।

Leave a Reply