नरेश गुप्ता
बरियारपुर,कलैया सिटी जेसिसले सोमबार कृष्ण घोडा दौड प्रतियोगिता आयोजना गरेको छ । नेपाल र भारतका विभिन्न स्थानका घोडाहरु सहभागी सो प्रतियोगितामा भारत बिहार जिल्ला मोतिहारी निवासी सैयद ट्रफ्टरवार महमद पहिलो हुनु भएको थियो । त्यसैगरी मोतिहारी निवासी नन्दकिशोर सहनी दोस्रो र मुजफरपुरको मन्टु सिह मुखिया तेस्रो हुुनु भएको छ । बिजेताहरुलाई कलैया जेसिस अध्यक्ष शम्भु गुप्ताले प्रमाणपत्र वितरण गर्नु भएको थियो ।
कलैया उपमहानगरपालिका वडा नम्बर ३ बैधनाथपुरस्थित आयोजना गरिएको घोडा दौड प्रतियोगिताको एक कार्यक्रमबीच जेसिस नेपालका राष्ट्रिय अध्यक्ष जेसिआई सिनेटर अरुनेश्वर खनालले उद्धघाटन गर्नु भएको थियो ।
उहाँले जेसिसका युवाहरुले हरेक वर्ष आयोजना गर्ने घोडा दौड प्रतियोगिताले यस क्षेत्रको पहिचान कायम राख्न ठूलो भुमिका खेल्दै आएको बताउनुभयो । समाजमा सहनीय काम गरेको भन्दै जेसिसका युवाहरुलाई सम्मानित गरिने पनि उहाँले बताउनुभयो ।
कलैया सिटी जेसिसका अध्यक्ष शम्भु गुप्ताको अध्यक्षतामा भएको कार्यक्रममा जयप्रकाश साह, निशान्त लामिछाने र निराजन राउतले दौड प्रतियोगिताको सफलताको काममा गर्नु भएको थियो ।
