नरेश गुप्ता
बरियारपुर,ईलाका प्रहरी कार्यालय जीतपुरले बारा जीतपुरसिमरा उपमहानगरपालिका वडा नम्बर ७ स्थित वीरगन्ज–पथलैया सडक खण्डबाट १८ सय थान लागुऔषध ईन्जेशनसहित दुई भारतीय नागरिकलाई पक्राउ गरेको छ ।
वीरगन्जबाट काठमाण्डौ जादै गरेको ना.६ ख ६३७७ न.को यात्रुबाहक बसमा चेकजाँच गर्ने क्रममा बसमा राखिएको डस्नाभित्र लुकाइछिपाइ ल्याएको लागुऔषधसहित भारत बिहार पुर्वीचम्पारण मोतिहारी सिसुवा बस्ने वर्ष २९ का मुन्ना कुमार र सोही ठाउँ बस्ने वर्ष ३५ का मुनिलाल कुमारलाई नियन्त्रणमा लिइएको जिल्ला प्रहरी कार्यालय बाराका प्रहरी प्रवक्ता गौतम मिश्रले जानकारी दिनु भयो । उनीहरुको साथबाट लागुऔषध डाईजेपाम ६ सय थान, फेनारगन ६ सय थान र नुफिम ६ सय थान बरामद भएको जिल्ला प्रहरी कार्यलय बाराले जनाएको छ ।
