नरेश गुप्ता
बरियारपुर,६ वर्षीय बालिकालाई जबरजस्ती करणी गरेको आरोपमा प्रहरीले १ जनालाई पक्राउ गरेको छ ।
खेल्न गएको मौका छोपी बालिकालाई आफु बस्ने घरको कोठाभित्र लिएर जबरजस्ती करणी गरेको उजुरीको आधारमा प्रहरीले १ जनालाई पक्राउ गरेको हो ।
पक्राउ पर्नेमा बाराको प्रसौनी गाउँपालिका वडा नम्बर ५ स्थायी घर भई हाल वीरगन्ज महानगरपालिका वडा नम्बर १६ बस्दै आएका ५५ वर्षीय पलट चौधरी रहेका छन् । बालिकाका अभिभावकले दिएको जाहेरीका आधारमा चौधरीलाई नियन्त्रणमा लिई जबरजस्ती करणी सम्बन्धी कसूरमा आवश्यक अनुसन्धान भइरहेको जिल्ला प्रहरी कार्यालय पर्साका प्रहरी नायब उपरीक्षक एवम् प्रवक्ता ओमप्रकाश खनालले जानकारी दिनुभयो ।
