नरेश गुप्ता
बरियारपुर,सशस्त्र प्रहरी बल बरियारपुरले मोटरसाइकलसहित १५ केजी लागुऔषध गाँजा बरामद गरेको छ ।
बाराको गंजभवानीपुरबाट मोटरसाइकलमा लागुऔषध गाँजा बोकेर जिल्लाको महागढीमाई नगरपालिका वडा नम्बर ८ धर्मपुरतर्फ आइरहेको अवस्थामा गस्तिमा रहेको सशस्त्र प्रहरीले चेकजाँच गर्न खोज्दा मोटरसाइकल नरोकी चालक फरार भएपछि पछ्याउदै गएको प्रहरी टोलीले मोटरसाइकलसहित गाँजा बरामद गरेको सशस्त्र प्रहरी बल १२ नम्बर गणका गणपती राजेन्द्र थापाले जानकारी दिनुभयो । प्रहरीले पिछा गरेको थाहा पाएपछि तस्करले मोटरसाइकसहित गाँजा छोडेर भागेको प्रहरीले बताएको छ । लागुऔषध गाँजा र मोटरसाइकललाई आवश्यक कारबाहीको लागि जिल्ला प्रहरी कार्यालय बारामा बुझाइएको छ ।
