नरेश गुप्ता
बरियारपुर – बाराको शहरी तथा ग्रामीण भेगमा अबैध रुपमा संचालन गरिएको अबैध घरेलु मदिरा भट्टि नष्ट गर्ने अभियानलाई बारामा तिब्रता दिईएको छ । जिल्ला प्रहरी कार्यालय बारा र मातहतको प्रहरी युनिटबाट खटिएका प्रहरीको टोलिले बारामा संचालन रहेको अबैध घरेलु मदिरा भट्टि नष्ट गर्ने अभियान जारी रहेको बाराको प्रहरी प्रवक्ता गौतम मिश्रले बताउनु भयो ।
अबैध रुपमा संचालन रहेको बाराको विभिन्न स्थानको मदिरा भट्टिहरु खोजतलास गरि नष्ट गर्ने अभियान जारी राखिएको प्रवक्ता मिश्रले बताउनु भयो । जिल्ला प्रहरी कार्यालय बाराको प्रहरी निरीक्षक प्रशान्त श्रेष्ठको कमान्डमा खटेको प्रहरी टोलिले कलैया उपमहानगरपालिका २० बसतपुर तथा देवताल गाउपालिका ५ पिपराढीमा संचालन रहेको २ वटा घरेलु मदिरा भट्टि नष्ट गरिएको जिल्ला प्रहरी कार्यलय बाराले जनाएको छ । भट्टि नष्ट गर्ने क्रममा प्रहरीले कच्चापदार्थ ५०० लिटर नष्ट गरिएको छ ।
