दुष्यन्त चौधरी
कलैया , ११ माघ । नेपाल प्रहरीले पछिल्लो समयमा चालेका अभियानहरू मध्ये समुदाय – प्रहरी साझेदार कार्यक्रम प्रभावकारी बन्दै गएका छन् । नेपाल प्रहरीले मुस्कान सहितको प्रहरी , प्रहरी मेरो साथी कार्यक्रम गर्दै अहिले समुदाय – प्रहरी साझेदार कार्यक्रम ल्याएका छन् ।
नेपाल प्रहरीले समुदाय – प्रहरी साझेदार कार्यक्रम ल्याउना साथ अपराधिक गतिविधिमा कमि आएका देखिन्छ । त्यसैगरी यो कार्यक्रम लागू भएकाले नै अहिले बारामा धमाधम विभिन्न मुद्दामा फरार रहेका प्रतिवादी पक्राउ गर्न सफल भएका बारे जिल्ला प्रहरी कार्यालय बाराका प्रहरी नायब उपरीक्षक गौतम मिश्रले जानकारी दिए ।
जिल्ला प्रहरी कार्यालय बारा तथा कार्यालयको मातहतका कार्यालयले दिन दिनै समुदाय – प्रहरी साझेदार कार्यक्रम अन्तरगर्त कुनै न कुनै कार्यक्रम गर्दै आएका छन् । शनिबार मात्र फेटा गाउँपालिकाको वडा नम्बर ३ मा बृहत कार्यक्रम गरेका थिए ।
जिल्ला प्रहरी कार्यालय बाराको आयोजनामा बालविवाह, दाईजो प्रथा, बहुविवाह तथा महिला हिंसा बिरुद्ध सडक नाटक सहितको बृहत सचेतना कार्यक्रम सम्पन्न भएको छ । जिल्ला प्रहरी कार्यालय बाराका प्रमुख प्रहरी उपरीक्षक विकासराज खनालको अध्यक्षतामा तथा प्रमुख जिल्ला अधिकारी फणिन्द्रमणी पोखरेलको प्रमुख आतिथ्यमा फेटा बजारमा बृहत कार्यक्रम सम्पन्न भएको छ ।
कार्यक्रममा बालविवाह, दाईजो प्रथा, बहुविवाह तथा महिला हिंसा बिरुद्ध सन्देश मुलक सडक नाटक प्रस्तुत गर्नुको साथै सो सम्बन्धी कानुनी व्यवस्थाका सम्बन्धमा प्रहरी निरीक्षक शेख अदालतले मल्टिमिडिया मार्फत प्रस्तुतिकरण गरेका थिए । कार्यक्रममा फेटा गाउँपालिकाका अध्यक्ष अमिरीलाल प्रसाद , कान्तिपुर टिभीका उपेन्द्र ठाकुर लगायतले बालविवाह, दाईजो प्रथा, बहुविवाह तथा महिला हिंसा बिरुद्ध मन्तव्य व्यक्त गरेका थिए ।
उक्त कार्यक्रममा विभिन्न स्कुलका प्रधानाध्यापक, जिल्ला स्थित सुरक्षा निकायका प्रमुख तथा पदाधिकारी, बुद्धिजिवी , अविभावक तथा विद्यार्थी समेत गरी करिब आठ सय ५० जनाको सहभागी रहेका बारे जिल्ला प्रहरी कार्यालय बाराका प्रहरी नायब उपरीक्षक मिश्रले बताए ।
