निजगढ, १४ भदौँ– कोल्हवी नगपालिका वडा नम्बर– ११ थस्कौलमा भेजा चौधरीका दुई भाइ छोरा नेपाल प्रहरीमा कार्यरत छन ।
चौधरीका जेठा छोरा राजकिशोर काठमाण्डौं र अर्का सप्तरीमा जनताको जिउधन सरक्षामा अहोरात खटिरहेका हुन्छन । तर शुक्रबार राति उनीहरुकै घरमा चोरी भएको छ ।
चोरले ढोका फोरेर घरबाट २४ इन्चको एउटा रंगिन टेलिभिजन चोरी गरेका हुन । राति अबेलासम्म बसेर हेरेको टेलिभिजन बिहान उठेर हेर्न खोज्दा नदेखिएपछि चौधरीले चोरी भएको थाहा पाउनुभएको थियो ।
प्रहरीकै घरमा चोरी हुन थालेपछि स्थानीयबासिन्दा त्रसित बनेका छन । कोरोना महामारीका कारण जारी निषेधाज्ञा र लकडाउनको अवधिमा गाउँमा चोरीका घटना बढेको स्थानीयको भनाइ छ ।
