कृपा संवाददाता
बरियापुर – बाराको एतिहासिक एवम धार्मिक स्थल गढीमाई मन्दिरमा रहने परेवा बाहिरी प्रयटकको आकर्षणको केन्द्रबिन्दु बनेको छ । पंचबर्षिय गढीमाई मेलामा भाकल दिने शान्तिको प्रतीक परेवालाई संरक्षण गर्ने अभियानले परेवा संरक्षण भएको स्थानियहरु बताउँछन् ।
आकर्षणको केन्द्र बिन्दु र प्रयटन बर्ष २०२० लाई सफल बनाउन र बढी भन्दा बढी बाहिरी प्रयटक भितृयाउने परेवा संरक्षणको मुल उदेश्य रहेको महागढीमाई नगर प्रमुख उपेन्द्र प्रसाद यादवले बताउनु भयो । संरक्षण गरिएको परेवालाई मन्दिर र पानी टंकिको कम्पाउन्ड भित्र राखिएको र त्यही संरक्षण गरिएको आहार खुवाईने गरिएको छ ।
शक्ति पिठ गढीमाई मन्दिरमा भुरर उडने परेवाले मन्दिरको शोभा झन बढाईएको बाराको प्रमुख जिल्ला अधिकारी फणीन्द्र मणि पोख्रेलले बताउनु भयो । गढीमाई मेलामा यश पाली परेवा संरक्षण गरिएको र भक्तजनहरुले फिटो खिचाउने र दाना खुवाउने गरिएको दृश्यले जसको पनि मुटुलाई लोभाउने गरिएको छ ।
प्रयटन बर्ष २०२० मा गढीमाई दर्शन गर्न आउने बाहिरी प्रयटकको दर्शन पछोको दोस्रो रोजाई परेवा हेर्ने हुनेछ। शक्ति पिठ गढीमाई प्रतिको आस्था र बिशवासले श्रद्धालु भक्तजनहरुको आत्म बिश्वास झनै बढेको देखिन्छ ।
