दिपेन्द्र जैसवाल
गन्जभवानीपुर,बारा जिल्लाको पचरौता नगरपालिकामा पालिका हुलाक सेवा कार्यालयको स्थापना गरिएको छ ।
नेपाल सरकारको एक पालिका एक हुलाक कार्यालय स्थापना गर्ने नीति अन्तर्गत पचरौता नगरपालिकामा शुक्रवार हुलाक सेवा कार्यालयको उद्घाटन गरिएको हो ।
जिल्ला हुलाक कार्यालय बाराले आयोजना गरेको कार्यक्रममा नगरप्रमुख जलन्धर सिंहले कार्यालयको उद्घाटन गर्नुभएको हो । कार्यक्रमलाई सम्बोधन गर्दै नगरप्रमुख सिंहले जनतालाइ छिटो छरितो सेवा प्रवाह गर्नका लागि नेपाल सरकारले सबै पालिकामा हुलाक सेवा कार्यालय स्थापना गरेकोले सेवाको उपयोग गर्न स्थानीयसंग आग्रह गर्नुभएको छ । कार्यालय उद्घाटन कार्यक्रममा वडा नम्बर ५ का वडा अध्यक्ष एवम् पचरौता नगरपालिकाका प्रवक्तासमेत रहनुभएका लक्ष्मी यादव, गगनदेवप्रसाद यादव, जिल्ला हुलाक कार्यालय बाराको प्रमुख लगायतको सभागिता रहेको थियो ।
