पुष्पराज खतिवडा
मन्हर्वा – स्थानिय तहमा भ्रष्टचार बढेको भन्दै जनपतिनीधिहरु आलोचित बनिरहेका बेला जिल्लामै पहिलो पटक कलैया उपमहानगरपालिका–२१ ले भने आईतबार सार्वजनिक सुनुवाई गरी आफ्ना गतीविधि सार्वजनिक गरेको छ ।
वडाका भद्रभलाद्मी पालिकाका प्रमुख, उप प्रमुख र प्रमुख जिल्ला अधिकारीको रोहबरमा वडा अध्यक्ष पुनदेव प्रसाद रौनियारले आफुले नेतृत्व सम्हालेपछीका प्राप्त बजेट, सम्पन्न योजना, काम कार्वाही र भावी योजनाका बारेमा सार्वजनिक सुनुवाई गरेका हुन् ।

 

 

 

 

 

 

 

 

 

 

 

आफ्ना गतीविधि सार्वजनिक गर्ने संभवत नेपालमै पहिलो वडा भएको उनको दावी छ । जनतामा जनप्रनिनीधि प्रती ठुलो अपेक्षा छ । सिमीत श्रोत र साधनमा वडाबासीको साथ लिएर काम गर्दै आएका छौं ,उनले भने । कृषिसँग सम्बधित काम गर्ने सामुहिक योजना लिएर आउनुस ५० प्रतिशतको अनुदान वडाको बजेटबाट ब्यवस्था मिलाउँछु । यसबर्ष वडाभरीका खेतमा विधुतीकरण गर्ने योजना छ । तपाईको साथ जरुरी छ, रौनियारले भने ।

 

 

 

 

 

 

 

 

 

 

कार्यक्रममा सहभागीहरुले नदिकटान नियन्त्रण, उखुको अनुदान भुक्तानी ,कृषिमा अनुदान, सडक, सिंचाई, जन्मसिद्ध नागरिता रोकिँदा परेको समस्या लगायतका विषय उठाएका थिए । शिक्षा, स्वास्थ्यमा बढ्दो लापरवाही न्यूनिकरण, खुल्लादिशा मुक्त घोषाण गरिएपनी कार्यान्वयमा देखिएको लापरवाही अन्यको माग गरेका छन् । शुरक्षाका लागि प्रहरी चौकी स्थापना, सिपमुलक तालिम लगायतका विषयमा समेत स्थानियले पालिका प्रमुख तथा सिडियो समक्ष माग राखे ।

 

 

 

 

 

 

 

 

कार्यक्रमलाई सम्बोधन गर्दै बाराका प्रमुख जिल्ला अधिकारी फडिन्द्रमणी पोखरेलले वडाले सार्वजनिक सुनुवाई गरेर धेरै राम्रो गरेको बताए । यस्ता कार्यक्रमहरुले जनप्रतिनीधि र सम्बन्धित पक्षलाई घचघच्याउनुका साथै वास्तविक समस्याको पहिचान गर्न मद्दत गर्ने बताए । वडाको सिको सबै पालिका र वडाहरुले गर्नुपर्ने उनको धारण थियो । प्रमुख जिल्ला अधिकारी पोखरेलले स्थानियले जन्मसिद्ध नागरिता र उखुको अनुदानका विषयमा गरेका प्रश्नको जवाफमा जन्मसिद्ध नागरिता वितरण माथीबाटै रोकिएकाले आफुले तत्काल केह ीगर्न नसक्ने बताए ।

 

 

 

 

 

 

 

 

 

 

उखुको अनुदानको हकमा जिल्लामा १८ करोडा भुक्तानी गर्नु पर्नेमा १२ करोड मात्र प्राप्त भएकाले किसान प्रतिनीधिहरुसँगको सल्लाहमा हाल सबैलाई हुने गरी ४५ प्रतिशत मात्रै वितरण गरिने र बाँकी पून अर्को पटक गरिने बताए ।

 

 

 

 

 

 

 

 

 

 

त्यस्तै कार्यक्रमका प्रमुख अतिथी समेत रहेका कलैया उपमहानगरपालिकाका प्रमुख राजेशराय यादवले स्थानियका समस्या समाधानमा आफुले सकेको सहयोग गर्ने बताए । आगामी बजेट तथा कार्यक्रमलाई कृषिमैत्री बनाईने उनले बताए । शिक्षा ,स्वास्थ्य र भौतिक पूर्वाधारसँगै तमाम किसान रोजीरोटीमा सहयोग पुग्ने गरी योजना बनाउन वडा समितिलाई आग्रह समेत गरे ।

 

 

 

 

 

 

 

 

 

कार्यक्रममा प्रमुख जिल्ला अधिकारी पोखरेल, नगरप्रमुख यादव, उपप्रमुख रहिमा खातुन, वडा अध्यक्ष रौनियार लगायतले स्थानियले उठाएको विषयमा जवाफ दिएका थिए ।

LEAVE A REPLY

Please enter your comment!
Please enter your name here