नरेश गुप्ता
बरियारपुर – महागढीमाई नगरपालिकाका नगर प्रमुख उपेन्द्र प्रसाद यादवले परेवा संरक्षण कार्यक्रमलाई दीर्घकालीन रुपमा बिकास गर्दै लग्ने बताउनु भएको छ । एच एस आई नेपालले आयोजना गरेको परेवा संरक्षण हस्तान्तरण कार्यक्रममा बोल्दै नगर प्रमुख यादवले प्रयटकहरुको लागि आकर्षकको लागि गढीमाई क्षेत्रमा परेवा नगरी बनाउने आफ्नो लक्ष्य रहेको बताउनु भयो ।
महागढीमाई नगरपालिका र एच एस आईको संयुक्त सहकार्यमा संरक्षण गरिएको परेवालाई ब्यवस्थापन गरि उनिहरुको लागि आहारा , पानी , बाँस स्थानको लागि उपयुुक्त ठाउँ छनौट गरि ब्यवस्थापन गर्नु पर्ने नगर प्रमुख यादवले बताउनु भयो । विश्व प्रसिद्ध गढीमाई मेला २०७६ को चिनारिको रुपमा शान्तिको प्रतीक परेवालाई संरक्षण गर्नु पर्ने वहाले बताए ।
गढीमाई मन्दिर र त्राही आच्युत आश्रममा संरक्षित परेवालाई ब्यवस्थापन गर्न स्थानिय तहले पच्चीस किवनटल अन्न परेवाको आहाराको लागि दिने नगर प्रमुख यादवले जानकारी गराउनु भयो । परेवा संरक्षण हस्तान्तरण कार्यक्रमलाई सम्बोधन गर्दै एच एस आई को प्रोग्राम कोरडिनेटर तनुजा बस्नेतले संयुक्त लगानी कोष खडा गरि संरक्षित परेवालाई बचाउनु पर्नेमा जोड दिइन ।
परेवा पशुपंक्षिको कल्याणको लागि गढीमाई बिकास क्षेत्रमा बार्षिक योजना बनाई अगाडि बढनु पर्नेमा वहाले जोड दिइन । परेवा हस्तान्तरण कार्यक्रममा प्रमुख अतिथी नगर प्रमुख उपेन्द्र प्रसाद यादवलाई दोसल्ला ओढाई एतिहासिक कार्यक्रममा योग्यदान दिनु भएकोमा कार्यक्रम कोर्डिनेटर बस्नेतले अभार प्रकट गर्नु भयो ।
सो अवसरमा त्राही आच्युत आश्रमको प्रेम जैसवाल , नियमित प्रमुख प्रशासकिय अधिकृत अजय सिह , गैर सरकारी महासघ बाराको पुर्व अध्यक्ष उतिमलाल चौरसिया रामबिश्वास चौरसिया , संचारक्रमी साजिर मंसुर ,महिला उत्थान तथा बिकास नेपालको अध्यक्ष मंचुन देबि शाह लगायतको सहभागिता रहेको थियो ।
