हेटौंडा – प्रदेश नम्बर–३ ले भोलीबाट आफ्ना नाम र स्थायी राजधानी पाउने भएको छ । प्रदेशसभा गठन भएको झण्डै दुईवर्ष पछी प्रदेशले नाम र स्थायी राजधानी पाउने भएको हो । नाम र राजधानीका लागि आज संसदमा छलफल पछी भोली विहान नौ वजेका लागि सभामुख सानुकुमार श्रेष्ठले वैठक आवहान गर्नुभएको छ । प्रदेशले हाल सम्म पनि नाम तोक्न र स्थायी राजधानी तोक्न सकेन भन्ने सांसद र जनताको गुनासो अव भने सुन्नुपर्ने छैन ।
भोली विहान ९ वजेबाट मतदान हुने भएको छ । सभामुख भन्दा बाहेक एक सय ६ जना सांसदले स्थायी राजधानी हेटौंडाको पक्षमा मतदान गर्ने पक्का भएको छ । यता प्रदेशको नाम वागमतीमा भने सवैदलका सांसदहरुले मतदान गर्ने निश्चित भएको छ ।
नामका विषयमा कुनैपनि दलका सांसदहरु विभाजित भएका छैनन् । तर, प्रदेश राजधानीका पक्षमा साझा र विवेकशील पार्टीका तीन जना सांसदले काभ्रे राजधानीका लागि संसदमा प्रस्ताव दर्ता गराएका छन् । भोली विहान खुल्ला मतदानको व्यावस्था संसद सचिवालयले गरेको छ । मतदानपछी प्रदेशले स्थायी राजधानी र नामाकरण हुने छ । प्रदेश नम्बर ३ मा एक सय १० जना सांसद रहेका छन् । सवै भन्दा वढी नेकपाको मात्र ८० जना सांसद रहेका छन् ।
शनिवारको प्रदेशसभा वैठकमा सत्तारुढ नेकपा संसदीय दलका नेतासमेत रहनुभएका मुख्यमन्त्री डोरमणि पौडेलले प्रदेश ३ को राजधानी हेटौंडाको प्रस्ताव पेश गर्नुभएको थियो । पौडेलको प्रस्तावमा समर्थक प्रमुख प्रतिपक्ष नेपाली कांग्रेस संसदीय दलका नेता इन्द्रबहादुर बानियाँ, राप्रपाकी सांसद रिता माझी र राप्रपा प्रजातान्त्रीककी सांसद रिना गुरुङले प्रदेशसभा बैठकमा समर्थन जनाउनुभयो । राजधानीका विषयमा सांसदहरुले भाग लिएर आफ्ना कुरा राखेका थिए ।
सभाको शनिवारको दोस्रो बैठकमा प्रमुख प्रतिपक्षी दलका नेता इन्द्रबहादुर बानियाँले प्रदेशको नाम बाग्मती प्रस्ताव पेश गरेका गर्नुभयो । बानियाँको प्रस्तावमा सत्तारुढ नेकपाका मुख्य सचेतक रामेश्वर फुँयाल, राप्रपाकी सांसद रिता माझी र राप्रपा संयुक्तकी सांसद रिना गुरुङले लगायतका दलका सांसदले समर्थन जनाउनुभयो ।
यसैगरी विवेकशील नेपाली र साझा पार्टीले काभ्रेको धुलिखेलमा राजधानी राख्न प्रदेशसभामा प्रस्ताव पेश गरेका छन् । नामका विषयमा सांसद प्रेम तामाङले असमती जनाएपनि उहाँले विमत्तिको नाम दर्ता गराउन प्रस्तावक र समर्थक नपाएपछी दर्ता गराउन सक्नुभएन ।
