२०६४ साल चैत २७ गते रौतहटमा भएका एक घटनाको अभियोगको रुपमा कांग्रेसका पूर्व सांसद अफताब आलम प्रहरी हिराशतमा रहेका छन् ।
नेपालमा अपराध गर्ने अनि राजनीतिको आधारा अपराधीलाई संरक्षण दिने र अपराधबाट उन्मुक्ती दिने कस्तो घृणित खेल हुदो रहिछ भनेर यो घटनाले पनि स्पष्ट पारेको छ ।
राजनीतिको आवरणमा हुने अपराधलाई कुनैपनि हालतमा क्षम्य दिन हुन्न तर नेपालमा यस्तै भएको छ । अपराध गर्ने अनि त्यसलाई राजनीतिकरण गर्ने परिपाटीका कारण पीडितले न्याय पाउन सकेका छैनन् ।
रौतहटको यो संगै अर्को नरसंहारको घटना पनि छ,२०६३ साल चैत ७ गते भएको अर्को नरसंहार पनि राजनीतिसंग जोडिएको छ । २८ जना नागरिकहरुको कत्तेयाम त्यो पनि निकै पासबिक तवरले हत्या भएको छ ।
महिलाहरुको बलात्कारपछि योनीमा फलामले घोचेर,स्तन काटेर हत्या भएको छ,यो दर्दनाक कथाभित्र राजनीति छ । के तिनका छोरी वा आफन्तलाई कसैले यस्तो हर्कत गरे तिनीहरु के गर्लान् ?यो पनि अर्को जघन्य अपराध हो यसमा संलग्नलाई पनि कारवाही हुनुपर्छ तर यसलाई राजनीति रंग दिइएका कारण उन्मुत्तः दोषीले पाउदै आएको छ ।
माओवादीले संचालन गरेको सशस्त्र द्वन्दका क्रममा त झनै मानीयता सकिएको घटना उजागार भएको छ । सेनाको हिराशतमा रहेकी महिलालाई कुकुर लगाएर बलात्कार गराउन लगाउने अपराधी अझैपनि सेनामा जागिरे होला । यस्ता मानवता बिरोधी अपराधमा संलग्नहरुले राजनीतिको आवरणमा अपराध गरेका छन् र उनीहरुलाई उन्मुक्ती दिइदैछ। मुलुकमा फेरि यस्ता घृणित राजनीतिक गतिबिधि नहोस् भन्नका लागि र अपराधमा संलग्न जो कोही कारवाहीको भागीदार बन्छ भन्नका लागि पनि सबै मानवता बिरोधी घटनामा संलगन यस्तालाई कारवाही हुनु नै पर्दछ ।
