नरेश गुप्ता
बरियारपुर – महागढीमाई नगर प्रमुख उपेन्द्र प्रसाद यादवले लक डाउनमा असहाय ,गरिबको घाउमा मलम लगाउनु पर्ने बताउनु भएको छ । महागढीमाई नपा १ स्थित रहेको असहाय ,गरिब ,मजदुर घरपरिवारलाई राहत सामग्री बितरण गर्दै यस्तो बेलामा हतोत्साहित नहुन संयम अपनाउन सबैलाई अनुरोध गर्नु भएको थियो ।
कोरोना कोभिड १९ रोकथाम गर्न राहत बितरण कार्यक्रमलाई सोसल डिस्टेनसिप अपनाएर राहत सामग्री बितरण गरिएको थियो । महागढीमाई वडा न १ को वडा अध्यक्ष सुदामा साह कानुको अध्यक्षतामा राहत सामग्री चामल १५ किलो , दाल २ किलो , नुन १ पाकेट , तेल १ पाकेट पांछ सय घरपरिवारलाई बितरण गरिएको वडा सचिव रामबाबु शार्माले बताउनु भयो ।
कोरोना कोभिड १९ को संक्रमण फैलन नदिन साबुन पानीले हात धुन , मास्क लगाउन ,सेन्टिईजर प्रयोग गर्न सबैलाई आग्रह गरिएको थियो । राहत बितरण कार्यक्रममा स्थानिय संचारक्रमी , राजनैतिक दलको प्रतिनिधि , सुरक्षाक्रमी लगायतको सहभागिता रहेको थियो ।