बाराको करैयामाई गांउपालिका २ मा आगो ताप्ने क्रममा  गम्भीर  घाईते भएकी वृद्धको आईतवार  ज्यान गएको छ । करैयामाई गांउपालिका २ निवासी   ७५ बर्षिया जोखनी देबि चमैइनको उपचारको क्रममा  कलैता अस्पतालमा ज्यान गएको बाराको प्रहरी  प्रमुख बिकास राज खनालले जानकारी  दिनु भयो ।
आगो ताप्ने क्रममा पुस ८ गते  आफ्नै घर अगाडि घुरबाट आगो सल्केर उनको कपडामा लागेपछी    उनी गम्भीर  घाईते भएकी थिइन ।  बिगत ३ हप्ता  देखि तराई मधेसमा बढ्दै गएको शीत लहर ,चिसोको कारण  ग्रामीण  भेगमा  स्थानियहरु दिनभरि घुर तापिने गरेका छन ।
अत्यन्तै  बढ्दै गएको चिसोको कारण विशेष गरि बालबालिका र वृद्ध महिला र पुरुष  बढी प्रभावित बनेको महागढी स्वास्थ शाखा प्रमुख बिजय कुशवाहाले बताए । दिनप्रतिदिन बढ्दै गएको चिसो ,शितलहरको कारण ग्रामीण भेग लगायत शहरमा आगो ताप्ने क्रममा  स्वाधानी अपनाउनु पर्ने बाराको प्रहरी  प्रमुख बिकास राज खनालले जानकारी  दिनु भयो ।

LEAVE A REPLY

Please enter your comment!
Please enter your name here